Sri Lanka Museums

කටු ගෙදර ඇප් එකකින් යන්න දැන් පුළුවන්.

අපේ රටේ කෞතුකාගාර වල ප්‍රදර්ශනය කෙරෙන කෞතුක වස්තූන් පිළිබඳ තොරතුරු රැසක් ඩිජිටල් තාක්‍ෂණය ඔස්සේ ජංගම දුරකථනයට හෝ ටැබ් එකට 

ලබා ගැනීමට පහසුකම් සලසා තිබෙනවා. ඉ-උරුමය ව්‍යාපෘතිය (e-Heritage project) යටතේ මෙය ක්‍රියාවට නංවා තිබෙන අතර ශ්‍රී ලංකා තොරතුරු හා සන්නිවේදන තාක්‍ෂණ නියෝජිත (ICTA) අායතනයේ නිර්මාණයක්. කෞතුක වස්තුවක් නැරඹීමේදී අදාළ කෞතුක වස්තුව පිළිබඳව තොරතුරු සිංහල දෙමළ සහ ඉංග්‍රීසි භාෂා වලින් සවන්දීමට මෙන්ම භාෂා ත්‍රිත්වයෙන්ම සමන්විත ලිඛිත තොරතුරු පරිශ්‍රිලනය කිරීමට ද පුළුවන්. තවද ඉතා ඉහළ ප්‍රමිතියෙන් යුතු ඩිජිටල් තාක්‍ෂණය සහිත (HD) ජායාරූප ද මෙයට එක්කර තිබෙනවා.

මෙමගින් විශේෂයෙන්ම දෙස් විදෙස් සංචාරකයින් ශ්‍රී ලංකාවේ ජාතික උරුමයන් වෙත වැඩි වශයෙන් ආකර්ෂණය කර ගැනීමට මෙන්ම ‍කෞතුක වස්තූන් නරඹන්නන්ට වැඩි දැනුවත් වීමක් සහිතව ඒවා නැරඹීමටත් කෞතුක වස්තූන් පිලිඹදව තොරතුරු හදාරන්නන්ට සහ ගවේෂණය කරන්නන්ට මෙය ඉතා වැදගත් වෙනවා. මාගම්පුර රුහුණු උරුම කෞතුකාගාරය සහ දඹාන යන කෞතුකාගාර නරඹන්නන්ට මේ වන විට මෙම පහසුකම අත්විදීමට පුළුවන්. කොළඹ ජාතික කෞතුකාගාරය මෙන්ම ජාතික ස්භාවික විද්‍යා කෞතුකාගාරය සඳහා ද මෙම පහසුකම තවත් මාස කිහිපයකින් හඳුන්වා දීමට නියමිතය.

බලන්න ස්ක්‍රීන්ශොට් කිහිපයක්.

මෙතනින් පිවිස Google Play Store හරහා මෙම ඇප් එක ඔබගේ ඇන්ඩ්‍රොයිඩ් ස්මාර්ට් ෆෝන් එකට බාගන්න.

Technical Details

• App Name : Sri Lanka Museums
• File size : Varies with device
• Requirements : Android 4.0 and up
• License : Free
• Publisher Website : www.icta.lk